Təbrizli vəkilin məhkəməsi təxirə salınıb

05/02/2009                                                                                                          

Təbrizdəki mənbələrin verdiyi məlumata görə, fevralın əvvəlində azərbaycanlı fəallar  Həmid Valai və Qulam Nəcəfi Təbrizin İslam İnqılab Məhkəməsinin 2-ci şöbəsində hakim qarşısına çıxarılıb. Məhkəmə prosesinin başlanğıcında hakim azərbaycanlı fəalların rəsmi olaraq “Dövlətçiliyə qarşı təbliğat”da ittiham olunduğunu nəzərə çatdırıb. İttihamçı tərəf olan Ettelaat idarəsi azərbaycanlı fəallar tərəfindən hazırlanaraq, nəşr edilən “Günəş” jurnalının “Azərbaycanda may üsyanları” ilə bağlı özəl sayını sübut olaraq təqdim edib. Təhlükəsizlik orqanları həm də bu jurnalın qanunsuz olaraq nəşr edildiyini iddia edib. Azərbaycanlı fəallar isə “Günəş” jurnalının rəsmi icazə ilə nəşr olunduğunu  bildirib və bunu təsdiq edən rəsmi sənədləri məhkəməyə təqdim etməyə cəhd göstəriblər, amma hakim “Jurnalın nəşri qanuna uğun olsaydı yəqin ki, Ettelaat müdaxilə etməzdi!” deyə cəvab verib. Cənab Nəcəfi və Valai bütün fəaliyyətlərinin mövcud qanunlar çərçivəsində baş verdiyini və onlara qarşı irəli sürülən ittihamların tamamilə əsassız olduğunu bildiriblər. Cənab Valai  həm də, Təbriz Ettelaatında saxlandığı müddətdə ona ağır işgəncələr verilməsi ilə bağlı məsələyə baxılmasını tələb edib. Amma hakim “Sizin  Ettelaatda işgəncə olunmağınızın bu məhkəməyə aidiyyəti yoxdur!” deyə onun vəsatətini rədd edib. Məhkəmə hər-hansı qərar qəbul olunmadan təxirə salınıb.  Həmid Valai hüquq təhsili alsa da İran Ettelaatı onun bir vəkil kimi fəaliyyətinə mane olur. Keçən il  Ettelaat əməkdaşları tərəfindən həbs olunan cənab Valainin saxlandığı qapalı təcridxanada ağır işgəncələrə məruz qaldığı, bir ayağı və bir neçə dişinin sındırıldığı barədə məlumatlar yayılmışdı. O, bununla bağlı İranın Ali Məhkəməsinin sədrinə dəfələrlə müraciət etsə də, indiyənədək onun bu müraciətlərinə məhəl qoyulmayıb.

http://www.voanews.com/azerbaijani/2009-02-05-voa18.cfm

تبریزلی وکیلین محکمه‌سی تاخیره سالینیب

05/02/2009

تبریزدکی منبع‌لرین وئردیگی معلوماتا گؤره، فئورالین اولینده آذربایجان‌لی فعال‌لار  حمید والایی و غولام نجفی تبریزین ایسلام اینقیلاب محکمه‌سی‌نین 2-جی شؤبه‌سینده حاکم قارشی‌سینا چیخاریلیب. محکمه پروسئسی‌نین باشلانغیجیندا حاکم آذربایجان‌لی فعال‌لارین رسمی اولا‌راق “دؤولت‌چی‌لییه قارشی تبلیغات”دا اتهام اولوندوغونو نظره چاتدیریب. اتهام‌چی طرف اولان اطلاعات ایداره‌سی آذربایجان‌لی فعال‌لار طرفین‌دن حاضرلانا‌راق، نشر ائدیلن “گونش” ژورنالینین “آذربایجاندا مای عصیان‌لاری” ایله باغ‌لی اؤزل سایینی ثبوت اولا‌راق تقدیم ائدیب. تهلوکه‌سیزلیک اورقان‌لاری هم ده بو ژورنالین قانون‌سوز اولا‌راق نشر ائدیلدیگینی ادعا ائدیب. آذربایجان‌لی فعال‌لار ایسه “گونش” ژورنالینین رسمی ایجازه ایله نشر اولوندوغونو  بیلدیریب و بونو تصدیق ائدن رسمی سندلری محکمه‌یه تقدیم ائتمه‌یه جهد گؤستریب‌لر، اما حاکم “ژورنالین نشری قانونا اوغون اولسایدی یقین کی، اطلاعات موداخیله ائتمزدی!” دئیه جواب وئریب. جناب نجفی و والایی بوتون فعالیت‌لری‌نین مؤوجود قانون‌لار چرچیوه‌سینده باش وئردیگینی و اونلارا قارشی ایره‌لی سورولن اتهام‌لارین تامامیله اساس‌سیز اولدوغونو بیلدیریب‌لر. جناب والایی  هم ده، تبریز اطلاعاتیندا ساخلاندیغی مدتده اونا آغیر ایشگنجه‌لر وئریلمه‌سی ایله باغ‌لی مسئله‌یه باخیلماسینی طلب ائدیب. اما حاکم “سیزین  اطلاعاتدا ایشگنجه اولونماغینیزین بو محکمه‌یه آیدیتی یوخ‌دور!” دئیه اونون وساتتینی رد ائدیب. محکمه هر-هانسی قرار قبول اولونما‌دان تاخیره سالینیب.  حمید والایی حقوق تحصیلی آلسا دا ایران اطلاعاتی اونون بیر وکیل کیمی فعالیتینه مانع اولور. کئچن ایل (2008)  اطلاعات امکداش‌لاری طرفین‌دن حبس اولونان جناب والایی‌نین ساخلاندیغی قاپا‌لی تجریدخانادا آغیر ایشگنجه‌لره مروض قالدیغی، بیر آیاغی و بیر نئچه دیشی‌نین سیندیریلدیغی باره‌ده معلومات‌لار یاییلمیشدی. او، بونونلا باغ‌لی ایرانین عالی محکمه‌سی‌نین صدرینه دفعه‌لرله مراجعت ائتسه ده، ایندی یه ندک اونون بو مراجعت‌لرینه محل قویولماییب.

http://www.voanews.com/azerbaijani/2009-02-05-voa18.cfm

Güney Azərbaycan milli hərəkat fəalı Həmid Valayi yenidən məhkəməyə çağrılıb

 Güneydən daxil olan məlumata əsasən Güney Azərbaycan milli hərəkat fəalı hüquq müdafiəçisi Həmid Valayi Təbriz İnqilab məhkəməsi tərəfindən yenidən 30 yanvar 2009-cu il tarixində saat: 12-00-da İnqilab Məhkəməsinin 2-ci şöbəsində hazır olmasını tələb edib.

Həmid Valayinin vəkili Nəqi Məhmudinin bildirdiyinə görə soydaşımız iki ay öncə İnqilab məhkəməsinə çağrılmışdır. Bu işin hakimi “Bəyat” Həmid Valayi ilə birlikdə ittiham olunan Qulam Nəcəfi həmin tarixdə məhkəmədə hazır olmadığına görə təxirə salınmışdır. Həmid Valayi və Qulam Nəcəfi İran hakimiyyəti əleyhinə təbliğdə ittiham olunurlar.

Xatırladaq ki, Həmid Valayi Qulam Nəcəfi bir müddət öncə milli və mədəni haqlarını tələb etdiklərinə görə Təbriz ETTELAAT məmurları tərəfindən həbs edilərək 13 gün müddətinə ağır fiziki və ruhi işgəncələrə məruz qoyulmuşlar. İşgəncə nəticəsində ağır bədən xəsarəti alan Həmid Valayinin diş və qıçı sındırılmış, daxili qanaxma nəticəsində ağır duruma düşmüş.

Beynəlxalq insan haqları təşkilatları həmin tarixdə Həmid Valayinin işgəncələrə məruz qoyulmasını pisləyən bəyanatlar vermiş və dərhal azadlığa buraxılmasını tələb etmişdir.

http://www.yenixeber.blogfa.com/post-450.aspx

حمید والائی –نین محکمه یئری و زامانی:

چاغ: دوشنبه (11/9/1387) گونو – سحر چاغی ساعات 9 دا

یئر: تبریزین اینقیلاب محکمه سی-  2-جی شعبه

(turkcə ve ingilisce)

حمید والائی، )آذربايجانلي میللی چالیشقان) طرفيندن

شرقي آذربایجان حوقوقشوناسلار آسسوسياسيياسي نين  )اوجاغی نین( اينسان حوقوقلاري اوزره کوميسسيياسي نين عاليجناب باشچيسينا  آچيق مکتوبو

 حمید بی والائی اوچون آچیلان وئبلاگین چالیشانلاری طرفیندن

www.hamid-valayi.blogfa.com

vakil.az@gmail.com

Həmid Valai, Azərbaycanlı Aktivist tərəfindən

Şərqı (doğu) ) Azərbaycan Hüquqşünaslar Assosiasiyasının İnsan Hüquqları Üzrə Komissiyasının alicənab Başçısına açıq Məktubu

hemid bey ichun achilan weblogin chalishanlari terefinden

www.hamid-valayi.blogfa.com

vakil.az@gmail.com

اونلاری اوخوماق اوچون یازینین آردین کلیک ائدین...

http://www.yenixeber.blogfa.com/[postarchive]

Hemid valayi ichun acilan weblog

 http://hamid-valayi.blogfa.com/

دونيا آذربايجانليلاري نين حاقلارینی مودافيعه  کوميته سي

 نین حمید والائی حاقدا موراجعتی

(تورکجه و اینگیلیسجه)

یازینین آردین کلیک ائدین...

Güney milli hərətatçı Həmid Valayinin əleyhinə olan qondarma sənədlər Təbriz İnqilab məhkəməsinə verilib

2008-09-10 16:16:00

    Təbriz ETTELAAT idarəsinin əməkdaşları Güney Azərbaycanın milli haqlarını və hüquqlarını müdafiə edən hüquqşünas Həmid Valayinin əleyhinə qondarma sənədlər hazırlayaraq Təbriz İnqilab  məhkəməsinə göndərilib. 

    Həmid Valayi bir müddət öncə qanunsuz olaraq ETTELAAT məmurları tərəfindən həbs edilərək 13 gün müddətinə Təbriz ETTELAAT təcridxanasında ağır fiziki və ruhi işgəncələrə məruz qoyulmuş, işgəncə nəticəsində soydaşımızın ayağı və ağzında çoxlu sayda dişləri sındırılmışdır.

    Həmid Valayinin vəkili Məhmudi neçə gün öncə müdafiə etdiyi Həmid Valayinin işi ilə bağlı inqilab məhkəməsinə müraciət etmiş, məhkəmədə ona bildirmişlər ki, onun ittihamı islam hakimiyyəti əleyhinə təbliğ və hakimiyyət əleyhinə ixtişaşlar yaratmaqla bağlı cinayət işi açılıb. Bununla yanaşı Həmid Valayi heç bir fakt olmadan qanunsuz ETTELAAT məmurları tərəfindən həbs edilərək ağır işgəncələrə məruz qaldığını və onu həbs edən ETTELAAT məmurlarını məhkəməyə vermiş, lakin bugünə qədər onun müraciətinə heç bir münasibət bildirilməmişdir.

    Məlum olur ki, hakimiyyət orqanları Həmid Valayinin ağır işgəncəyə məruz qoyulduğunu inkar etmək fikrindədir. Lakin hər şey göz qabağında bəllidir ki, Həmid Valayi neçə müddətdir ağır işgəncələr nəticəsində xəstəxanada və evdə həkimlər nəzarətində sındırılmış ayağı və dişləri fakt olaraq qalmaqdadır.

http://www.yenixeber.blogfa.com/post-306.aspx

سونولور حمید والائی جنابلارینا

بو شعری عنصریلی آدلی شاعیر فیکیرداشیمیز حمید بی اوچون یازیب و بیزه ایمیل ائدیب

بیز اونو اونلارین اوز آدلاری ایله یایدیق

عنصریلی (شاعیر)

اولو تانرینین آدی ایله

دیل قیفلی، الی باغلی، قولو داغلی، ویریلیر وطن یولوندا، سوللو ساغلی، اؤزوحیران ، گؤزو جیران، اوزتیلیت قان، ایچده طوفان ، کونول عمان

باش قالیب جلاد الینده ، دیل بیلن یوخ اوز ائلینده ،دانیشا دوغما دیلینده، دیلی قداره دیر دورموشدو بئلینده، بالتایا دسته اولانلار اوز ائلینده‏ن ، بالتالیر ایندی موباریز تملیندن ، قیچدی، باشدی، دیشدی بیملیر، سئل اولان گؤز یاشی سیلیر، بئله انصاف اولار هئچ، نصافا گلمیر.

واخت گلیر بیرده میدان اوخویار قوچ کورواغول، الده سازی و قیلینجی یورویر میدانا دوغرو، اوندا قورخسون گرک اوغرو، «باش بیر یانا، لش بیریانا» ، کیم گلیر گلسین مئیدانا، گوروسن مئیدانی آشدی، اوندا بیلمز دیشدی، باشدی، ائللرین صبریده داشدی، قلملر اللرده داشدی، اوندا بیلمز دیشدی باشدی.

قلمه ، قلمله جواب ، حققین اوزوندن چکیسیم حیجاب، نه قلم ، نه اورک داشا دونمه‏سین، بیر اوجاق ایشیغی گرک سونمه‏سین ، دوراق حق یولوندا بیرالده قرآن، چکیلسین یوردومون گویونده‏ن دومان.

توتون بیزی، هله ده قورخاجاقسینیز!

 آتیلا کیشی زاده

زنجیر، زنجیر یئنه ده زنجیر...

"عاشیق جنونو"، "بزیرگان"ین صاندیغیندا دوستاق ائدن ائله او ایدی. "ائیواز"ی "خوتکار"ین سارایندا ، "آلماس ایلدیریم"ی روس ایمپئریاسینین زیندانلاریندا، "قاچاق نبی"نی "قارایوردون" قازاماتلاریندا "خلیل رضا"نی روس شوونیزمینین "زهتابی" نی فارس شوونیزمینین، "عاشیق قشمی" ده "میشو" داغلاریندا ساخلادان دا ائله او ایدی. زنجیر زنجیر یئنه ده زنجیر...

دوغروسو زنجیرلرین اؤزوندن اؤنملی تاریخی دوشونجه¬میزه و ذهنییتیمیزه هوپان زنجیرلرین یول گؤستریجی طالعی¬دیر.

ناچالنیک، پریستاو گلنده کنده

اوبانی اویماغی چکیرلر بنده

دئیَن "عاشیق علسگر"دن توتموش،

بوردا بیر شئر داردا قالیب باغیریر

مروتسیز اینسانلاری چاغیریر،

یازان شهریارا قدر اوزانیب گلن آجی شیرینلی همن طالع!

تؤکدوکجه قانینی اول قاشین آستان ایچر

بیر یئرده¬یم اسیر کی تورپاغی قان ایچر

دئیه دئیه هؤنکورن فضولی¬دن توتموش،

داغلار یئرده دوستاقدیر

اولدوزلار کهکشاندا

قایالار چمبرینده، دوستاق دنیزلره باخ

دئیه-دئیه آزادلیق دئییب جان دئین خلیل رضا اولو تورکه قدر زنجیر طالعی چمبرینده چیرم- چیلپاق چیرپینان آزادلیق یئریکلی بیر تورپاق،

بؤیله دیر "عاشیق جنون"دان، "خان ائیواز"دان، "آلماس ایلدیریم"دان، "قاچاق نبی"، "دده علسگر"، "مولانا محمد فضولی" و "خلیل رضا"دان توتموش"ابوالفضل ائلچی¬ بَی" مکتبی¬نین، مکتبلی¬لری، سجاد رادمهر، ائلچین حاتمی، آراز زهتاب، آیدین خواجه¬ای، حمید والایی، ودود اسدی و.... یه قدر خیسین- خیسین سورونوب گلن او زنجیرین، او زنجیرلی طالعین بیر علتی، بیر دَبردیجی¬سی، بیر گؤسترگه سی وار او دا بیزده کی آزادلیق عشقی قورتولوش یانقی¬ سی¬دیر. بو یولون باشلانغیجی زنجیر ایدی سه سونو، آزادلیق دیر هم ده قورتولوش عطیرلی بیر چام اورمانلیغیندا قوراجاغیمیز باغیمسیزلیق قورولتایی دیر.

و سیز ای قارا قازاماتلارین مکیرلی باشقانلاری، بیر گون ائله اؤزونوزون محبس لرینیزین دیوارلارینین چارتلاغیندان باشلایاجاق دیر او  اینسان سئل لری و سئللول لارینیزین دمیر پنجره لرینین آرخاسیندا باش توتاجاقدیر او شانلی گؤروشمه لر "عاشیق جونونو"نو،  "بزیرگان"ین، "خلیل رضا"سینی، "لئفوتوو زیندانین"دان و "صفرخان"ینی "قصر"ین محبس لریندن قورتاران بیر خردادلی تورک ائللی لر آلوولار پؤسکوره جکدیر وئرانلیق لارینیزا. دده "شهریار"یمیز بونو چوخ اؤنجه دن اؤیرتمیشدیر بیزه:

بوردان دا من تئز مطلبه چاتمارام.

دونيا آذربايجانليلاري نين حاقلارینی مودافيعه  کوميته سي نین حمید والائی حاقدا موراجعتی

والايي بئي ۱۶ جولاي ۲۰۰۸-ده ياخالاندي و ۲۸ جولاي ۲۰۰۸-ده ايران يئتگيليلري طرفيندن بدن و روحي ايشگنجه يه معروض قالماق نتيجه سينده اؤترگي اولاراق بوراخيلدي. تجروبه گؤسترير کي، ايراندا بو اؤترگي بوراخيلمالار ماهيتسيز بير حرکتديرلر و اصلینده ايران يئتگيليلري بو يول ايله گونئي آذربايجان ميللي حرکتچيلريني بليرسيز توتوقلاما و موحاکيمه آدينا قاداقدا ساخلاماق ايسته يير.

وورغولاماق ايسته ييريک کي، بو ايلتيشمه ني درله مک و سونماق بيزيم تشببوسوموزدور و بونون اوچون والايي-گيل و ياخود اونلارين تمسيلچيلري ايله هئچ مشورت ائتمه ميشيک. جدول ۲-ده کي بيلگييه گؤره، اولسون اونلار اؤزلري ده شيکايت ائتسينلر، لاکين بيزيم آدديميميز محض قايغي وظيفه سيندن ايره لي گلميشدير. بو بياني ايفاده ائتمک بيزجه گرکدير کي، بو يول ايله والايي عاييله سيندن مسئوليت گؤتورموش اولاق و ايران يئتگيليلرينه اونلاري باسقييا معروض ائتمه يه باهانا قالماسين.

ساي : ۴۹۹/۲۰۰۸
تاريخ : ۵ آوگوست ۲۰۰۸

آذربایجانین مدنی شخصیتلر و دوستلاردان بیر سیراسی، حمید والائی - دان عیادت ائتدیلر

بو گون (جوما 11/5/1387) آذربایجانین مدنی شخصیتلر و دوستلاردان بیر سیراسی، حمید والائی-دان عیادت ائدیب، یاخیندان حمیدین ساغلاملیق دورومون یوخلادیلار.

قئید ائتمک لازیم دیر کی وکیلیک صلاحیتی رد اولونموش، آذربایجاندا قومیتلر و هابئله بشر حاقلاری قونوسوندا چالیشقان حقوق شناس - حمید والائی -  تبریز اطلاعات اداره سینده، 13 گون شیکنجه دن سونرا عایله سی و  وکیلی سایین نقی محمودی جنابلارینین چالیشیقلاری و هابئله آذربایجان میلتینین حیمایه سی نتیجه سینده، تبریز زیندانینا گؤنده ریلیب و ساغلاملیق دورومونون گرگینلیگینه گؤره، پرونده نین مستنطیقی بازپرسی وثیقه نین قبول ائتمگینه مجبور اولدو و نتیجه ده حمید بی درمان اوچون تبریز زیندانیندان ائشیگه چیخدی.

حمیدین وکیلی، سایین نقی محمودی نین دئدیگینه گؤره، حمیدین اتهام لار پرونده سی هله ده تبریز عدلیه سینین 4-جی بازپرسی شعبه سینده آچیق دیر . محمودی جنابلارینین دئدیگینه گؤره حمیدین شیکنجه اولدوغو باره ده شکایت و قانون دوقتورونه (پزشکی قانونی) یوللانما چالیشیقلارینین آردی وار.

Azərbaycanin mədəni şəxsiyətlər və dostlardan bir sirasi, həmid valayi-dan iyadət etdilər

Bu gün (Cuma 1-8-2008) azərbaycanin mədəni şəxsiyətlər və dostlardan bir sirasi, Həmid valayi cənablarindan iyadət edib, yaxindan həmidin sağlamliq durumun yoxladilar.

Qeyd etmək lazimdir ki nizam intizam quvvələri tərəfindən vekillik səlahiyəti rəd olunmuş, habelə azərbaycanda milli haqlar və bəşər haqlari qonusunda çalişan və huquq şunas – həmid valayi – təbriz ittilaat idarəsində, 13 gün işkəncədən sonra, ayiləsi və vəkili sayin nəqi məhmudi cənablarinin çalişiqlari və habelə azərbaycan millətinin himayəsi nəticəsində və saglamliq durumunun gərginliginə görə, dosiyənin müstəntiqi vəsiqənin qəbul etməginə məcbur oldu və nəticəde həmid bəy mualicə üçün təbriz dustaqindan dişari çixdi.

Həmidin vəkili, sayin nəği məhmudunun dediginə görə, həmidin ittihamlar dusyəsi (pərvəndəsi) hələdə təbriz ədliyəsində açiqdir .  habelə həmidin şikəncə olduğu barədə şikayət və qanun düqtürünə yollanma çalişiqlarinin ardi var.

 Artirmalidir ki, işkəncələr nəticəsində həmid valayinin ust ənginin 4 dişi sinib, sağ qiçi ağir sədmələr görüb, dönələr huşdən gedib və hələdə ağir baş gicəllənmələri və ürək bulanmasi vardir.

Təbrizli hüquq müdafiəçisi Həmid Valayinin harda olduğu bəlli deyil 

…bu yaxınlarda Təbriz ETTELAAT idarəsinə çağırılaraq və həmin yerdən naməlum yerə göndərilən hüquq müdafiəçisi Həmid Valayinin vəziyyətindən heç bir xəbər əldə etmək mümkün deyil. Heç bir ittiham və məhkəmə qərarı olmadan həbs edilən Həmid Valayi Təbriz Universitetinin hüquq fakültəsinin məzunudur və məhkəmə orqanlarında vəkillik etmək üçün sınaq imtahanlarından uğurla çıxsa da ETTELAAT tərəfindən onun qarşısı alınmışdır.

ETTELAAT Təbrizin milli hərəkat fəalı hüquqşünas  

Həmid Valayini həbs etdi

Azərbaycanın milli hərəkat fəallarından olan Təbriz Universitetinin hüquq fakültəsinin məzunu hüquqşünas Həmid Valayi milli fəaliyyətlərinə görə ETTELAAT tərəfindən təzyiq və təhdidlərə məruz qalmaqda idi. Bununla yanaşı Həmid Valayinin atası və ailə üzvləri də ETTELAAT tərəfindən təhdid olunurdular